МУС прызнаў “экстрэмісцкім фарміраваннем“ супольнасць Sandӓr

6 кастрычніка, Позірк. Міністэрства ўнутраных спраў уключыла ў спіс “экстрэмісцкіх фармаванняў“ супольнасць Sandӓr. Змяненні ў пералік унесены 6 кастрычніка.

У прыватнасці, размова ідзе аб тэлеграм-канале “Sandӓr” (на гэты момант выдалены) і тэлеграм-чаце “Эзатэрычная грамадскасць 2.0”.

Датычнымі да яго названы 18-гадовы Уладзіслаў Бутвенкаў і 19-гадовы Усевалад Мачэкін.

Сцвярджаецца, што яны праяўлялі актыўнасць з 2023 года. Сутнасць прэтэнзій невядомая.

Праваабаронцы неаднаразова звярталі ўвагу, што беларускія ўлады выкарыстоўваюць механізм прызнання арганізацый і ініцыятыў “экстрэмісцкімі” ў якасці інструмента рэпрэсій.

У актуальным спісе “экстрэмісцкіх фарміраванняў” 314 пазіцый.