Колькасць беларусаў з дазволам на пражыванне ў Літве працягвае змяншацца
3 кастрычніка, Позірк. Дзейны дазвол на пражыванне ў Літве на 1 кастрычніка мела 51.213 грамадзян Беларусі, сведчаць статыстычныя даныя Дэпартамента міграцыі пры Міністэрстве ўнутраных спраў гэтай балтыйскай дзяржавы.
На 1 студзеня 2025 года ўладальнікамі тых ці іншых дакументаў, якія легалізуюць пражыванне ў краіне, было 57.511 беларускіх грамадзян (на 1 верасня — 51.520, на 1 жніўня — 51.962, 1 ліпеня — 52.287, 1 чэрвеня — 52.662 чалавекі). Такім чынам, іх колькасць ад пачатку года скарацілася на 10,95%.
