21 верасня, Позірк. Расійскія вайскоўцы, якія бралі ўдзел у супольных стратэгічных вучэннях “Захад-2025”, пакінулі турыторыю Беларусі, паведамляе Міністэрства абароны.
Адзначаецца, што яны “сышлі ў пункты пастаяннай дыслакацыі ў Расійскай Федэрацыі”.
Беларуска-расійскія стратэгічныя вучэнні “Захад-2025“ праходзілі 12-16 верасня на палігонах абедзвюх краін, а таксама ў акваторыях Балтыйскага і Баранцава мораў.
“Знакавымі мерапрыемствамі” начальнік Генеральнага штаба Павел Муравейка назваў “планаванне і разгляд прымянення нестратэгічнай ядзернай зброі“, а таксама “ацэнку і разгортванне ракетнага рухомага комплексу “Ляшчына“ (“Орешник”).
15 верасня міністр абароны Беларусі Віктар Хрэнін заявіў, што ў вучэннях “Захад-2025“ бяруць удзел 6 тыс. беларускіх вайскоўцаў і 1 тыс. расіян.
Аўтарызавацца
Забыліся пароль?
Выхад з профілю
