11 верасня, Позірк. “На просьбу прэзідэнта ЗША і іншых кіраўнікоў дзяржаў“ Аляксандр Лукашэнка прыняў рашэнне аб памілаванні “шэрагу замежных грамадзян, асуджаных за шпіёнскую дзейнасць, удзел у экстрэмісцкай і тэрарыстычнай дзейнасці і якія ўчынілі іншыя злачынныя дзеянні на тэрыторыі Рэспублікі Беларусь”, паведамляе яго прэс-служба.
Таксама гэта зроблена нібыта “ў рамках жэсту добрай волі і зыходзячы з прынцыпаў гуманнасці”.
Удакладняецца, што памілавана 14 замежных грамадзян: шэсць — Літвы, па двое — Латвіі, Польшчы і Германіі, адзін грамадзянін Францыі і адзін — Вялікабрытаніі.
Прэзідэнт Літвы Гітанас Наўседа паведаміў у сацсетцы “X” аб вызваленні і вывазе ў Вільнюс 52 палітвязняў.
Паводле інфармацыі праваабарончага цэнтра “Вясна”, сярод іх даўні апанент Лукашэнкі Мікалай Статкевіч.
(Будзе дапоўнена.)
