Зазулінская: Смерць Паднябеннага — вынік мэтанакіраванай палітыкі рэжыму
8 верасня, Позірк. Смерць палітвязня Андрэя Паднябеннага — “гэта не выпадковасць і не трагедыя абставін”, гэта “вынік сістэмнай палітыкі рэжыму, які мэтанакіравана знішчае людзей у турмах”, заявіла прадстаўніца Аб’яднанага пераходнага кабінета па сацыяльнай палітыцы Вольга Зазулінская.
“Палітвязні гінуць ад адсутнасці медыцынскай дапамогі, ад катаванняў, ад умоў, якія нельга назваць інакш, як метадычнае забойства”, — адзначыла яна, рэагуючы на навіну аб смерці палітвязня.
“Асаблівую заклапочанасць выклікае сітуацыя з Васілём Верамейчыкам, адзіным палітвязнем, каму можа пагражаць вышэйшая мера. Мы не ведаем, у якіх умовах ён цяпер утрымліваецца. Не менш трывожнай застаецца сітуацыя з Вікторыяй Кульшай, якая жывая, але яе здароўе пад сур’ёзнай пагрозай. Мы не маем інфармацыі пра Марыю Успенскую, удаву Андрэя Зэльцэра. Асобнага напамінку патрабуе лёс непаўналетніх, супраць якіх рэжым працягвае ўжываць рэпрэсіі, а таксама замежных грамадзян, уключаючы ўкраінцаў, многія з якіх апынуліся за кратамі выключна па прыкмеце Грамадзянства“, — звярнула ўвагу палітык.
У гэтай сітуацыі пазіцыя дэмсіл “павінна гучаць як патрабаванні, а не як разважанні аб гуманнасці рэжыму“, мяркуе яна: “За пяць гадоў не было ніводнага санкцыйнага пакета такой жорсткасці, каб рэжым быў вымушаны сесці за стол перамоваў. Пакуль міжнародная палітыка абмяжоўваецца “заклапочанасцю“і паўмерамі, людзі працягваюць гінуць у турмах”.
На думку Зазулінскай, “кожны з гэтых выпадкаў патрабуе не толькі ўвагі, але і тэрміновых дзеянняў”: “Рэжым нясе поўную адказнасць за смерць Андрэя Паднябеннага і за лёсы ўсіх, хто сёння застаецца ў беларускіх турмах“.
Раней беларускі дэмакратычны лідар Святлана Ціханоўская на старонцы ў сацсетцы Х заявіла, што неабходна “прыняць тэрміновыя меры“, каб “выратаваць жыцці закладнікаў рэжыму“.
Пасля дэмлідар адзначыла, што ўвесь час зняволення Паднябеннаму “даводзілася праходзіць праз цяжкія ўмовы і катаванні, псіхалагічны і фізічны ціск“: “Але нават у такіх умовах ён казаў, што гатовы адседзець яшчэ, калі гэта дапаможа яго дзецям жыць у свабоднай краіне. І за жаданне лепшай будучыні для сваёй сям’і яго спачатку пазбавілі волі, а ў няволі забралі самае каштоўнае — жыццё“.
Пра смерць 36-гадовага палітвязня 3 верасня ў калоніі № 15 Магілёва паведаміла маці палітвязня Валянціна Паднябенная.
У магілёўскай калоніі памёр грамадзянін РФ, палітвязень Андрэй Паднябенны
8 верасня, Позірк. 36-гадовы палітвязень Андрэй Паднябенны памёр 3 верасня ў калоніі № 15 Магілёва, паведаміла на сваёй старонцы ў "Фэйсбуку" яго маці Валянціна Паднябенная. Паводле інфармацыі праваабарончага цэнтра "Вясна", Паднябенны — грамадзянін Расіі, але з 6 гадоў пражываў у …
