4 верасня, Позірк. Пра “жорсткае затрыманне” ў Лепелі (Віцебская вобласць) грамадзяніна Польшчы паведаміў 4 верасня дзяржаўны тэлеканал “Беларусь 1”.
“Які сакрэтны дакумент апынуўся ў рэчах паляка? Ад каго ён яго атрымаў? Усё падрабязна заснята на відэа”, —і аворыцца ў анонсе чарговага тэлевізійнага “выкрыцця”.
Фонам паказаныя кадры сілавога затрымання невядомага.
Поўны сюжэт пра польскага грамадзяніна ДзяржТБ абяцае паказаць пазней.
23 чэрвеня старшыня Камітэта дзяржбяспекі Іван Церцель заявіў, што “толькі за мінулы перыяд 2025 года, КДБ спыненая дзейнасць 14 асоб — гэта грамадзяне Рэспублікі Беларусь і замежныя грамадзяне, падкрэсліваю, якія ажыццяўлялі дзейнасць, звязаную са шпіянажам (гэта для замежнікаў) і здрадай дзяржаве, калі мы гаворым пра грамадзян Рэспублікі Беларусь”.
ДзяржТБ рэгулярна паказвае сюжэты аб замежных “шпіёнах”, зробленыя пры прамым удзеле высокапастаўленых супрацоўнікаў КДБ. Частка такіх матэрыялаў носіць прапагандысцкі характар.
