Пенсіянерка з Мінска загінула, перабягаючы чыгунку ў Пухавіцкім раёне
1 верасня, Позірк. Пра гібель на чыгуначных пуцях 75-гадовай мінчанкі паведаміла 1 верасня УУС Мінскага аблвыканкама.
Гэта адбылося 31 жніўня ў 20: 50 на прыпыначным пункце Весялоўскі Пухавіцкага раёна.
Адзначаецца, што жанчына ўпала перад прыбываючым цягніком,“перабягаючы па пешаходным насціле чыгуначныя шляхі з каляскай у руках”. Машыніст цягніка Мінск — Асіповічы ужыў экстраннае тармажэнне, аднак “наезду пазбегнуць не ўдалося”.
“Да прыбыцця брыгады хуткай медыцынскай дапамогі яна ад атрыманых цялесных пашкоджанняў памерла”, — гаворыцца ў паведамленні.
Паблізу згаданага прыпыначнага пункта знаходзіцца шмат садаводчых таварыстваў.
