У Гомельскім раёне матацыкліст сутыкнуўся з ласём, загінулі абодва

30 жніўня, Позірк. У дарожна-транспартным здарэнні ў Гомельскім раёне загінуў матацыкліст, паведамляе абласное ўпраўленне ДАІ 30 жніўня.

“[29 жніўня] каля 19:30 на трэцім кіламетры аўтадарогі “Пад’езд да В.новыя Церашковічы ад А/д мяжа Расійскай Федэрацыі (Езярышча) — Віцебск — Гомель мяжа Украіны (Новая Гута)“ 38-гадовы кіроўца матацыкла “Кавасакі“ здзейсніў наезд на дзікую жывёлу (лася), — гаворыцца ў рэлізе. — У выніку здарэння матацыкліст памёр, жывёла загінула”.

На месцы ДТЗ працавалі супрацоўнікі ДАІ і следча-аператыўная група.