У Брэсце ў выніку ўзгарання аўтамабіля загінула пенсіянерка

29 жніўня, Позірк. Адзін чалавек загінуў ад агню ў мінулыя дзяжурныя суткі (з 6:00 28 жніўня да 6:00 29 жніўня), вынікае з аператыўнай зводкі Міністэрства па надзвычайных сітуацыях.

Пажар з гібеллю чалавека зафіксаваны ў Брэсце ўвечары напярэдадні.

Адзначаецца, што на вуліцы Добрай загарэўся аўтамабіль. Супрацоўнікамі МНС знойдзена цела пенсіянеркі 1959 года нараджэння.

Прычына ўзгарання высвятляецца.

З пачатку года ў Беларусі здарылася 4.455 пажараў (годам раней — 3.927; +13,4%), на якіх паводле афіцыйных даных загінула 365 чалавек (322; +13,4%).

“Позірк” неаднаразова звяртаў увагу на тое, што МНС перыядычна карэктуе статыстыку смяротнасці на пажарах у бок змяншэння. Апошні падобны прыклад быў зафіксаваны 23 жніўня, калі ведамства паведаміла аб чатырох загінулых за суткі і 355 — з пачатку года, хоць напярэдадні агульная лічба загінулых была 353.