Былы кіраўнік будаўнічага прадпрыемства прыгавораны да сямі гадоў пазбаўлення волі за хабар

28 жніўня, Позірк. Былы генеральны дырэктар прадпрыемства ў сферы будаўніцтва і рамонту дарог прыгавораны да сямі гадоў пазбаўлення волі ў калоніі і штрафу ў памеры 700 базавых велічынь (29,4 тыс рублёў) за хабар, паведамляе пракуратура Мінскай вобласці.

Згодна з рашэннем суда Мінскага раёна, фігурант, чыё імя і месца працы не названа, прызнаны вінаватым у атрыманні хабару паўторна ў буйным памеры (ч. 1 арт. 430 КК). Больш за 5 тыс. рублёў, канфіскаваныя пры яго затрыманні, канфіскаваны. У даход дзяржавы таксама накіравана звыш 12 тыс. рублёў як даход, атрыманы злачынным шляхам.

Экс-мэнэджар пазбаўлены права займаць пасады, звязаныя з выкананнем адміністрацыйна-гаспадарчых і арганізацыйна-распарадчых абавязкаў, на тэрмін пяць гадоў.

Паводле абвінавачання, з 9 лютага 2024 года па 3 студзеня 2025 года абвінавачаны, знаходзячыся на лецішчы, некалькі разоў прыняў хабары на агульную суму больш за 38 тыс. рублёў “за спрыяльнае вырашэнне пытанняў, якія ўваходзяць у яго кампетэнцыю: першачарговае пагашэнне запазычанасці, якая ўтварылася перад суб’ектам гаспадарання ў рамках раней заключаных”.

Абвінавачаны прызнаў віну часткова. Прысуд не набыў моц і можа быць абскарджаны.