Літва ўзмацняе ахову мяжы з Беларуссю ў сувязі з вучэннямі “Захад-2025”

20 жніўня, Позірк. Літва плануе ўзмацніць ахову мяжы ў сувязі з набліжэннем пачатку вайсковых вучэнняў у Беларусі“ Захад-2025”, заявіў 20 жніўня начальнік Службы аховы дзяржаўнай мяжы (САДМ) Рустам Любаеў у эфіры радыё LRT.
“План падрыхтоўкі да вучэнняў зацверджаны і паспяхова рэалізуецца. <…> Цяпер літоўскія памежнікі гатовыя да любых правакацый на нашай мяжы”, — цытуе Любаева партал Lrytas.
Адзначаецца, што ў вучэннях “Захад-2025” чакаецца ўдзел каля 13 тыс. беларускіх і расійскіх вайскоўцаў — істотна менш, чым у 2021 годзе, за год да ўварвання РФ ва Украіну. Тады ў аналагічных вучэннях удзельнічала каля 200 тыс. вайскоўцаў.
Разам з тым на мінулым тыдні намеснік міністра нацыянальнай абароны Літвы Томаш Гадляўскас заявіў, што, паводле звестак літоўскай вайсковай выведкі, у вучэннях “Захад-2025” возьмуць удзел да 30 тыс. вайскоўцаў.
Міністэрства абароны Беларусі не называе колькасць вайскоўцаў, якія возьмуць удзел у сумесных з РФ вучэннях “Захад-2025” 12–16 верасня. Паведамлялася, што падчас вучэнняў будуць адпрацаваныя прымяненне ядзернай зброі і комплексу “Арэшнік”, а таксама супрацьпаветраная абарона, абарончыя баявыя дзеянні, падтрымка тактычнай авіяцыі і інш.
Мінск падтрымлівае Маскву ў развязанай ёю ў лютым 2022 года поўнамаштабнай вайне супраць Украіны.
Гл. таксама:
Начальнік штаба ВПС: НАТО занепакоена нашым узроўнем баявой падрыхтоўкі

- ГрамадстваКошт месца на платнай паркоўцы ў Мінску будзе залежаць ад раёна яе размяшчэнняМатэрыял даступны толькі падпісчыкам ПОЗІРК+
- Палітыка
- Палітыка
- Грамадства, Палітыка
- ПалітыкаХроніка палітычных рэпрэсій за 8 кастрычніка 2025 годаМатэрыял даступны толькі падпісчыкам ПОЗІРК+
- Грамадства, Палітыка
- ГрамадстваУ Мінску сачыць за аплатай паркоўкі будуць з дапамогай мабільных комплексаўМатэрыял даступны толькі падпісчыкам ПОЗІРК+
- Палітыка
- Грамадства
- Палітыка
- Грамадства
- Грамадства
- Бяспека, Палітыка
- Грамадства, Палітыка
- Грамадства
- Грамадства, Палітыка
- Палітыка, Эканоміка
- Палітыка, Эканоміка
- Грамадства
- Бяспека, Палітыка