У Беларусь прыбыла другая партыя расійскіх знішчальнікаў Су-30СМ2

14 жніўня, Позірк. Аб прыбыцці 14 жніўня на адзін з аэрадромаў ВПС і войскаў СПА чарговай партыі самалётаў Су-30СМ2 паведаміла прэс-служба беларускага Міністэрства абароны Беларусі.

Тэхніка атрымана “ў рамках ваенна-тэхнічнага супрацоўніцтва” паміж Беларуссю і Расіяй для “павышэння магчымасцей Ваенна-паветраных сіл па забеспячэнню бяспекі Рэспублікі Беларусь у паветранай прасторы”.

Каментуючы прыбыццё ўзораў, начальнік штаба-першы намеснік начальніка авіяцыі ўпраўлення авіяцыі ВПС і войскаў СПА палкоўнік Андрэй Рачкоў адзначыў, што“ Су-30см2 — гэта мадэрнізаваны самалёт“: “Далёкасць выяўлення мэты павялічана практычна ў тры разы. Самалёт атрымаў новую авіёніку, сродкі навігацыі, уключаючы аўтаномны рэжым. Без спадарожнікавай навігацыі можна будзе выконваць палёт без асаблівых праблем. Таксама пашыраны спектр прымянення авіяцыйных сродкаў паражэння: як кіраваных і некіравальных ракет, так і бамбавальнага ўзбраення. Гэты самалёт дазваляе ўжываць бомбы з універсальным модулем планавання і карэкцыі“.

“Лётны і лётна-тэхнічны склад паспяхова асвоілі дадзеную мадэрнізацыю, рыхтуем малады лётны склад і выконваем задачы баявога дзяжурства па супрацьпаветранай абароне на дадзеных машынах“, — паведаміў Рачкоў.

Аб прыбыцці ў Беларусь першай партыі знішчальнікаў Су-30СМ2 паведамлялася 27 траўня. Тады камандуючы ВПС і войскамі СПА Андрэй Лук’яновіч заявіў, што сёлета Беларусь атрымае яшчэ адну партыю Су-30см2.