Экалагічны праект “Зялёная сетка” прызнаны “экстрэмісцкім фарміраваннем”

5 жніўня, Позірк. Камітэт дзяржаўнай бяспекі прызнаў 30 ліпеня “экстрэмісцкім фарміраваннем” экалагічны праект “Зялёная сетка”, вынікае са спісу на сайце Міністэрства ўнутраных спраў.
У склад “фармавання” КДБ уключыў акаўнты “Зялёнай сеткі” ў “Інстаграме” і “Тэлеграме”, тэлеграм-канал “Экадом”, чат “Экачат”, бот “Belarus Beehive” і сайт belarusbeehive.eu.
Датычнымі да праекта названыя Глеб Герасімовіч, Аляксандр Мількамановіч, Наталля Герасімава і Яраслаў Бекіш.
Бекіш — тэолаг-рэлігіязнаўца, магістр паліталогіі Еўрапейскага гуманітарнага ўніверсітэта, каардынатар сеткі экалагічных грамадскіх арганізацый “Зялёная сетка”, былы член праўлення Міжнароднага кансорцыума “ЕўраБеларусь”. Дэлегат Каардынацыйнай рады другога склікання.
Герасімовіч і Мількамановіч у Мінску займаліся стартапамі, звязанымі з экалагічнымі праектамі.
“Зялёная сетка” — таварыства экалагічных арганізацый і экаактывістаў Беларусі, у якое ўваходзяць эксперты, валанцёры і ініцыятыўныя групы, а таксама актывісты, аб’яднаныя агульнай мэтай — “зрабіць Беларусь зялёнай, дэмакратычнай і квітнеючай краінай”.
Паводле інфармацыі на сайце сеткі, г эты экалагічны рух мае на мэце“садзейнічаць трансфармацыі Беларусі ў дэмакратычную і экалагічна ўстойлівую краіну для жыцця”.
Рэалізуе праграмы і праекты ў галіне абароны прыроды і ўстойлівага развіцця.
“Зялёная сетка” падтрымлівае актывістаў зялёнага руху, “асвятляе і ацэньвае дзейнасць актараў, якія ўплываюць на экалагічны і грамадзянскі парадак дня, павышае патэнцыял грамадзянскай супольнасці, укараняе і маштабуе інавацыйныя рашэнні ў галіне абароны прыроды і ўстойлівага развіцця”.
Дэ-юрэ ліквідаванае аб’яднанне “Экадом” у ліпені гэтага года выступіла супраць палявання на мядзведзя.
У красавіку эколагі заклікалі спыніць і вывесці з эксплуатацыі Беларускую АЭС “як небяспечную і непатрэбную” і вярнуць краіну да бяз’ядзернага нейтральнага статусу.
У сакавіку 2024-га “Зялёная сетка” заклікала да адмовы ад нафты, газу, вугалю, а таксама атамнай энергетыкі ў якасці іх альтэрнатывы на міжнародным форуме ААН.
7 верасня 2023 года арганізацыя заявіла аб неабходнасці прыпыніць увядзенне ў эксплуатацыю другога энергаблока Беларускай АЭС і разабрацца з праблемамі першага блока.
- Грамадства
- Палітыка
- Палітыка
- Палітыка, Эканоміка
- Палітыка
- Грамадства, ПалітыкаМіжнародная платформа па зборы доказаў злачынстваў рэжыму Лукашэнкі мае сведчанні 2,7 тыс. ахвяраў рэпрэсій (падрабязна)Матэрыял даступны толькі падпісчыкам ПОЗІРК+
- ЭканомікаПратэрмінаваная запазычанасць арганізацый па выплаце падаткаў павялічылася за месяц на 0,4%Матэрыял даступны толькі падпісчыкам ПОЗІРК+
- Грамадства
- Грамадства, Палітыка
- Эканоміка
- Эканоміка
- ЭканомікаУ першым паўгоддзі чысты прыбытак арганізацый вырас толькі ў трох рэгіёнах (падрабязна)Матэрыял даступны толькі падпісчыкам ПОЗІРК+
- Грамадства
- Палітыка
- Палітыка
- Грамадства, Палітыка
- Грамадства
- Грамадства
- Грамадства
- Грамадства, Палітыка