Прэзідэнцкі спортклуб хоча стварыць пад сваёй эгідай адзіную сістэму рэгістрацыі мабільных тэлефонаў — BelPol

4 жніўня, Позірк. “Прэзідэнцкі спартыўны клуб” (“ПСК”), які ўзначальвае Дзмітрый Лукашэнка — сярэдні сын Аляксандра Лукашэнкі, — плануе стварыць пад сваёй эгідай сістэму рэгістрацыі IMEI-нумароў мабільных тэлефонаў, паведамляе аб’яднанне BelPol.
Гаворка ідзе пра ўнікальны 15-значны нумар, які прысвойваецца мабільным тэлефоне і можа выкарыстоўвацца для ідэнтыфікацыі прылады.
Паводле сцвярджэння BelPol, укараненне такой сістэмы дазволіць спортклубу “цэнтралізавана кантраляваць увесь мабільны рынак краіны”. “Любы тэлефон, які ўвозіцца ў Беларусь, павінен будзе прайсці рэгістрацыю праз структуру, падкантрольную “ПСК” — за плату, вядома”, — гаворыцца ў паведамленні.
“Калі “ПСК” атрымае выключнае права на рэгістрацыю ўсіх мабільных прылад у краіне, гэта будзе новы, кантраляваны і прыбытковы рынак, які прынясе стабільны грашовы паток і поўны лічбавы кантроль ўсіх мабільных прылад у краіне”, — адзначае аб’яднанне.
Падкрэсліваецца, што цяпер у Беларусі не існуе дзяржаўнай або прыватнай структуры, якая цэнтралізавана займаецца абавязковай рэгістрацыяй IMEI-нумароў мабільных прылад, як, напрыклад, у Казахстане, Таджыкістане, Узбекістане, Турцыі. “Тэлефоны ўвозяцца ў краіну свабодна (у межах мытных нормаў), а аператарская сетка ідэнтыфікуе іх па IMEI, але не блакуе “шэрыя” прылады. Гэта значыць глабальная база IMEI не правяраецца цэнтралізавана”, — удакладняе BelPol.
11 траўня 2025 года аб’яднанне BelPol выпусціла фільм-расследаванне аб дзейнасці “Прэзідэнцкага спартыўнага клуба”, у якім гаворыцца, што арганізацыя з’яўляецца сродкам узбагачэння сям’і Лукашэнкі. Для гэтага выкарыстоўваюцца розныя карупцыйныя схемы. “ПСК” у расследаванні названы “інструментам для легалізацыі атрыманых дыктатарам Лукашэнкам і членамі яго сям’і хабараў і ўхілення ад выплаты падаткаў”.
“Прэзідэнцкі спартыўны клуб” быў заснаваны ў 2005 годзе. На сайце праекта гаворыцца, што ён займаецца “арганізацыяй маштабных спартыўных спаборніцтваў, развіццём спартыўнай інфраструктуры, дабрачыннасцю і выплатай імянных стыпендый”.
- Грамадства
- Палітыка
- Палітыка
- Палітыка, Эканоміка
- Палітыка
- Грамадства, ПалітыкаМіжнародная платформа па зборы доказаў злачынстваў рэжыму Лукашэнкі мае сведчанні 2,7 тыс. ахвяраў рэпрэсій (падрабязна)Матэрыял даступны толькі падпісчыкам ПОЗІРК+
- ЭканомікаПратэрмінаваная запазычанасць арганізацый па выплаце падаткаў павялічылася за месяц на 0,4%Матэрыял даступны толькі падпісчыкам ПОЗІРК+
- Грамадства
- Грамадства, Палітыка
- Эканоміка
- Эканоміка
- ЭканомікаУ першым паўгоддзі чысты прыбытак арганізацый вырас толькі ў трох рэгіёнах (падрабязна)Матэрыял даступны толькі падпісчыкам ПОЗІРК+
- Грамадства
- Палітыка
- Палітыка
- Грамадства, Палітыка
- Грамадства
- Грамадства
- Грамадства
- Грамадства, Палітыка