У гаражы жыхара Мінска знойдзена 660 кг насваю

29 ліпеня, Позірк. 39-гадовага жыхара сталіцы затрымалі супрацоўнікі ўпраўлення па наркакантролі і супрацьдзеянні гандлю людзьмі УУС Мінаблвыканкама, паведаміла 29 ліпеня прэс-служба Міністэрства ўнутраных спраў.

Паводле інфармацыі ведамства, у гаражы мужчыны знойдзена “660 кілаграмаў некурыльнага тытунёвага вырабу насвай”. Сцвярджаецца, што “рэчыва прызначалася для далейшай рэалізацыі”. Фігуранту пагражае “буйны штраф з канфіскацыяй выручкі ці адміністрацыйны арышт”.

МУС нагадала, што ў Беларусі забароненая вытворчасць і абарот некурыльных вырабаў, зробленых з тытуню і шчолачнага кампанента.

Паводле медыцынскіх крыніц, насвай прадстаўляе сабой сумесь тытуню з гашанай вапнай, попелам раслін, вярблюджым кізяком або курыным памётам, алеем і часам прыправамі і сухафруктамі. Частае ўжыванне змяншае канцэнтрацыю, пачынаюцца праблемы з памяццю, эмацыйныя разлады.

Статыстычныя даныя паказваюць, што ў краінах Цэнтральнай Азіі, дзе насвай распаўсюджаны, значная доля выпадкаў раку ротавай паражніны, гартані і лёгкіх могуць быць звязаныя з залежнасцю ад насваю.

Ужыванне насваю выклікае з праблемы страўнікава-кішачным трактам і паразітарныя хваробы.