Аранжавы ўзровень небяспекі абвешчаны на 14 ліпеня ў чатырох абласцях і Мінску

13 ліпеня, Позірк. Раніцай і днём 14 ліпеня на большай частцы тэрыторыі Беларусі чакаюцца навальніцы, месцамі моцныя ліўні і шквалістае ўзмацненне ветру парывамі да 15–20 м/с, паведамляе Белгідрамет.

Аранжавы ўзровень небяспекі абвешчаны ў Мінску і чатырох абласцях — Мінскай, Гомельскай, Брэсцкай і Гродзенскай.

“Удзень на паўднёвым усходзе краіны максімальная тэмпература паветра дасягне +30°С. <…> У Мінску чакаецца навальніца”, — гаворыцца ў паведамленні.

Рэкамендацыі насельніцтву ў сувязі з непагаддзю традыцыйна апублікавала МНС.

Аранжавы ўзровень небяспекі ва ўсёй краіне або асобных рэгіёнах абвяшчаўся Белгідраметам штодня з 7 па 11 ліпеня. Праз непагадзь ў Беларусі фіксуюцца масавыя падзенні дрэў, падтапленні, збоі ў электразабеспячэнні населеных пунктаў.

10 ліпеня ў выніку падзення дрэва ў Магілёве падчас непагадзі загінула 32-гадовая жанчына.

Грамадства

Грамадства

Мінпрыроды дэ-факта пацвердзіла адсутнасць у Белгідрамета абсталявання для доўгатэрміновых прагнозаў

9 ліпеня, Позірк. Міністэрства прыродных рэсурсаў і аховы навакольнага асяроддзя дэ-факта пацвердзіла адсутнасць у Белгідрамета (падпарадкаваная структура) абсталявання для доўгатэрміновых прагнозаў. У адрозненне ад кароткатэрміновых прагнозаў надвор'я, якія выпускаюць спецыялісты кожнай з нацыянальных гідраметэаралагічных службаў, доўгатэрміновыя прагнозы — “складаная, рэсурсаёмістая …

Чытаць