Працяглыя замаразкі нанеслі шкоду сельскай гаспадарцы — прадстаўнік Белгідрамета
7 ліпеня, Позірк. Працяглыя і моцныя замаразкі нанеслі шкоду сельскай гаспадарцы, асабліва пацярпелі пладовыя дрэвы і хмызнякі, пасевы сельскагаспадарчых культур на тарфяніках і ў нізінах. Пра гэта паведаміла начальнік аддзела вывучэння змяненняў клімату службы метэаралагічнага і кліматычнага маніторынгу, фонду даных Белгідрамета Вольга Бакланава на прэс-канферэнцыі 7 ліпеня.
Паводле яе слоў, у начныя гадзіны тэмпература паветра паніжалася да 0 — мінус 5 градусаў, на Палессі — да 9-10 градусаў марозу.
“Больш за ўсё загінулых і пашкоджаных пасеваў было ў Брэсцкай вобласці“, — адзначыла Бакланава.
