Запазычанасць фізічных асоб па спажывецкіх крэдытах за год вырасла на 37,8%
1 ліпеня, Позірк. Запазычанасць фізічных асоб па крэдытах на 1 чэрвеня 2025 года склала 27 млрд 680,1 млн рублёў — на 23,9% больш, чым год таму (22 млрд 346,3 млн), сведчыць праведзены “Позiркам” аналіз даных Нацыянальнага банка.
Запазычанасць па спажывецкіх крэдытах — 10 млрд 892,8 млн (7 млрд 906,6 млн; +37,8%), на фінансаванне нерухомасці — 16 млрд 750,2 млн (14 млрд 392,8 млн; +16,4%).
Пратэрмінаваная запазычанасць склала 45 млн рублёў (36,4 млн; +23,6%): па спажывецкіх крэдытах — 44,3 млн (35,8 млн; +23,7%), на фінансаванне нерухомасці — 0,8 млн (0,5 млн; +60%).
