Курс долара знізіўся на таргах БВФБ 26 чэрвеня, трэцюю сесію запар няма здзелак з еўра

26 чэрвеня, Позірк. Амерыканская валюта патаннела на таргах Беларускай валютна-фондавай біржы 26 чэрвеня.

Курс долара знізіўся да 2,9616 рубля (-0,22%; -0,0066).

Каціроўка кітайскага юаня вырасла да 4,1229 рубля за 10 (+0,01%; +0,0003), расійскага рубля — да 3,7757 за 100 (+0,003%; +0,0001).

Таргі еўра не праводзіліся трэцюю сесію запар. Курс агульнай еўрапейскай валюты застаўся на ўзроўні 23 чэрвеня — 3,408 рубля.

На мінулым тыдні (16–20 чэрвеня) курс долара знізіўся на 0,22% (з 2,9848 да 2,9781 рубля), юаня — на 0,67% (з 4,1607 да 4,1327 за 10), еўра — на 0,64% (2, 3, 4); расійскага рубля — вырас на 0,04% (з 3,7735 да 3,775 за 100).

Афіцыйны курс долара ў Беларусі за студзень — травень 2025 года знізіўся на 13,7% — другое месца на тэрыторыі былога СССР, сведчыць праведзены “Позіркам” параўнальны аналіз каціровак цэнтрабанкаў на 31 снежня 2024 года і 31 траўня 2025-га (па выніках студзеня, студзеня — лютага, студзеня — сакавіка і студзеня — красавіка таксама другое месца, -1,73%, -8,54%, -10,25% і -12,16% адпаведна).

У 2024 годзе афіцыйны курс долара ў Беларусі вырас на 9,32% (з 3,1775 да 3,4735 рубля). Гэта чацвёрты паказчык на тэрыторыі былога СССР.