Матэрыял даступны толькі падпісчыкам
ПОЗІРК+Працэнтныя стаўкі па крэдытах растуць сёмы месяц запар (падрабязна)
Матэрыял даступны толькі падпісчыкам
ПОЗІРК+
Зяленскі і генеральны сакратар СЕ Берсе падпішуць пагадненне аб стварэнні спецтрыбуналу па ваеннай агрэсіі ва Украіне — Латушка
24 чэрвеня, Позірк. Падпісанне пагаднення аб стварэнні спецыяльнага трыбунала аб адказнасці за ваенную агрэсію супраць Украіны анансаваў 24 чэрвеня намеснік кіраўніка Аб’яднанага пераходнага кабінета (АПК), кіраўнік Народнага антыкрызіснага ўпраўлення (НАУ) Павел Латушка.
Чакаецца, што дакумент у штаб-кватэры Савета Еўропы (СЕ) у Страсбургу (Францыя) падпішуць прэзідэнт Украіны Уладзімір Зяленскі і генеральны сакратар СЕ Ален Берсе.
“На мінулай сесіі Парламенцкай асамблеі Савета Еўропы (ПАСЕ) мы ўнеслі папраўку ў адпаведную рэзалюцыю аб тым, што адказнасць за наданне тэрыторыі для расійскіх войскаў для агрэсіі супраць Украіны нясе Лукашэнка і яго атачэнне”, — канстатаваў Латушка.
Паводле яго слоў, стварэнне спецтрыбуналу “дазволіць ажыццяўляць расследаванне злачынства агрэсіі, рыхтаваць абвінавачванні, у тым ліку ў дачыненні да дыктатара Лукашэнкі, а таксама ажыццяўляць пераслед у дачыненні да асоб, якія былі адказныя за прыняцце рашэння аб здзяйсненні агрэсіі з тэрыторыі Беларусі супраць Украіны”.
“З нецярпеннем чакаем падпісання дакумента і апублікавання статута спецтрыбунала. Пасля апублікавання гэтых дакументаў мы зможам зразумець больш дэталяў і далейшыя крокі для дасягнення нашай галоўнай мэты — адказнасці за ўчыненае злачынства агрэсіі”, — падкрэсліў палітык.
“Палітычнае рашэнне” аб стварэнні спецыяльнага трыбунала па ваеннай агрэсіі ва Украіне Латушка анансаваў 7 траўня.
Аб завяршэнні працы па стварэнні трыбунала заявіла 9 траўня кааліцыя з 35 дзяржаў — членаў Савета Еўропы. Гэта адбылося па выніках сустрэчы ў Львове міністраў замежных спраў гэтых краін з удзелам вярхоўнага прадстаўніка Еўрасаюза па замежных справах і палітыцы бяспекі Каі Калас.
14 траўня дэмакратычны лідар Святлана Ціханоўская на сустрэчы ў Люксембургу са старшынём ПАСЕ Тэадорасам Русопуласам абмеркавала неабходнасць прыцягнення Лукашэнкі да адказнасці ў рамках спецыяльнага трыбунала.
Вячорка: У дакументах па спецтрыбунале ўзгадваецца Лукашэнка
14 траўня, Позірк. У дакументах па ўкраінскім спецтрыбунале, якія бачылі прадстаўнікі дэмсіл, "каротка ўзгадваецца роля [Аляксандра] Лукашэнкі, Генштаба, Рады бяспекі як саўдзельнікаў падчас першай фазы вайны, калі пачалася агрэсія і напад на Украіну з тэрыторыі Беларусі", паведаміў у эфіры праграмы "Звычайная …
