У 2025 годзе Белстат павялічыў спажывецкі кошык для вымярэння інфляцыі
22 чэрвеня, Позірк. У 2025 годзе Нацыянальны статыстычны камітэт павялічыў спажывецкі кошык для вымярэння інфляцыі, вынікае з праведзенага “Позіркам” параўнальнага аналізу.
Калі ў 2024 годзе Белстат маніторыў 481 пазіцыю, то ў 2025-м назірае за 491.
Пералік харчовых тавараў (сюды ўключаюцца тытунёвыя вырабы) пашырыўся са 152 да 157 найменняў, нехарчовых — з 247 да 250, паслуг — з 82 да 84. Агулам дададзена 11 пазіцый і прыбрана адна, некаторыя скарэктаваныя.
У 2023 годзе Белстат вылічаў дынаміку цэн па 472 паказчыках (150 — у харчовай групе, 241 — у нехарчовай, 81 — у сферы паслуг), у 2010 годзе — па 403 (адпаведна 140, 203 і 60).
За пяць месяцаў 2025 года спажывецкія цэны ў краіне выраслі на 4,45%.
