Прэзідэнт Латвіі: Недапушчальна было саджаць Ціханоўскага толькі за тое, што ён хацеў зрабіць Беларусь лепш дэмакратычным шляхам

22 чэрвеня, Позірк. Прэзідэнт Латвіі Эдгарс Рынкевічс павіншаваў Святлану Ціханоўскую з вызваленнем мужа.

“Вельмі рады за вас, Сяргея і дзяцей. Гэта быў доўгачаканы момант. Недапушчальна было саджаць Ціханоўскага ў турму толькі за тое, што ён хацеў зрабіць Беларусь лепш дэмакратычным шляхам”, — напісаў Рынкевічс у сацыяльнай сетцы X.

Вызваленне Сяргея Ціханоўскага і яшчэ 13 палітвязняў стала адным з вынікаў візіту ў Мінск 20-21 чэрвеня амерыканскай дэлегацыі на чале са спецпрадстаўніком прэзідэнта ЗША Дональда Трампа ў пытаннях Украіны Кіта Келага.

Еўрапейскія палітыкі вітаюць гэты крок беларускага рэжыму, але заклікаюць вызваліць усіх палітвязняў, якіх, паводле інфармацыі праваабаронцаў, больш за 1.100.