17 чэрвеня, Позірк. У Беларусі перастаў адкрывацца сайт медыяпраекта Plan B. — planbmedia.io.
Plan B. — аўтарскае медыя, якое ў чэрвені 2023 года заснавала былая палітзняволеная, экс-рэдактар разгромленага ўладамі партала tut.by Вольга Лойка.
24 ліпеня таго ж года суд Цэнтральнага раёна Мінска прызнаў “экстрэмісцкімі матэрыяламі” кантэнт гэтага рэсурсу, яго старонак у сацыяльных сетках, ютуб-канала.
“Мы працягнем працаваць і распавядаць вам пра самыя актуальныя сігналы, якія паступаюць з Беларусі і для Беларусі, і адкуль са дна пагрукалі на гэты раз”, — адзначыла тады рэдакцыя.
