Шостую ноч запар на беларускіх метэастанцыях фіксуюцца тэмпературныя антырэкорды
11 траўня, Позірк. Шостую ноч запар на беларускіх метэастанцыях фіксуюцца тэмпературныя антырэкорды, сведчыць праведзены “Позіркам” аналіз аператыўных і архіўных даных Белгідрамета.
У ноч на 11 траўня перакрытыя тры лакальныя мінімумы.
Халадней за ўсё было ў раёне метэастанцыі “Палеская“ ў Лунінецкім раёне — 3 градусы марозу (ранейшы экстрэмум складаў -1,4 градуса, зарэгістраваны два гады таму). Абнавіліся мінімумы таксама ў Акцябрскім — 1,1 градуса ніжэй за нуль (было -0,8 у 1991 і 2023 гадах) і Лельчыцах — 1 градус марозу (-0,2 у 2023-м).
