Мінулай ноччу на беларускіх метэастанцыях перакрыта дзевяць рэкордаў холаду
2 траўня, Позірк. Дзевяць тэмпературных антырэкордаў перакрыта ў ноч на 2 траўня на беларускіх метэастанцыях, сведчыць праведзены “Позіркам“ параўнальны аналіз аператыўных і архіўных звестак Белгідрамета.
Халадней за ўсё было ў Крычаве — 4,3 градуса марозу, ранейшы лакальны мінімум пратрымаўся 25 гадоў (-3,2). Абсалютны экстрэмум ночы выстаяў, ён быў зафіксаваны ў 1971 годзе ў Гродне (-4,8).
У Брагіне перапісаны антырэкорд 60-гадовай даўніны (-2,9 супраць -2,4).
