Афіцыйны курс долара ў Беларусі за студзень — красавік 2025 года знізіўся на 12,2% — другое месца на тэрыторыі былога СССР
30 красавіка, Позірк. На 12,16% (з 3,4735 да 3,0512 рубля) знізіўся афіцыйны курс долара ЗША ў Беларусі за сёлета студзень — красавік. Гэта другі паказчык на тэрыторыі былога СССР, сведчыць праведзены “Позіркам” параўнальны аналіз каціровак цэнтрабанкаў на 31 снежня 2024 года і 30 красавіка 2025-га.
На першым месцы Расія, дзе долар за чатыры месяцы афіцыйна патаннеў на 19,79% (са 101,6797 да 81,5616 рубля).
У красавіку амерыканская валюта ў Беларусі патаннела на 2,13% — сёмае месца пасля Латвіі, Літвы, Эстоніі (-4,90%), Малдовы (-4,69%), Таджыкістана (-2,96%) і Расіі (-2,53%).