У Мінску пры ўдзеле Лукашэнкі высаджваюць чырвоныя дубы, якія шкодзяць мясцовай флоры

12 красавіка, Позірк. На пляцоўцы будаўніцтва новага комплексу Нацыянальнага гістарычнага музея і “парку народнага адзінства” падчас суботніка 12 красавіка вырашылі высадзіць чырвоныя дубы пры ўдзеле Аляксандра Лукашэнкі, вынікае з паведамлення неафіцыйнага тэлеграм-канала прэс-службы апошняга.
“Першы ўжо ў працэсе. На тэрыторыі парку высаджваюць чырваналістыя дубы (гутарковая назва дуба чырвонага, або Quercus rubra. — “Позірк”.). 80 саджанцаў у гонар 80-годдзя Вялікай Перамогі”, — гаворыцца ў паведамленні.
Варта адзначыць, што навукоўцы лічаць дуб чырвоны відам, які шкодзіць мясцовай флоры.
Старшы навуковы супрацоўнік сектара кадастра расліннага свету Інстытута эксперыментальнай батанікі Нацыянальнай акадэміі навук Леанід Чумакоў у 2019 годзе пісаў у навукова-папулярным часопісе “Родная прырода”, што натуральны арэал росту дуба чырвонага — Паўночная Амерыка (паўночны захад ЗША і паўднёвы ўсход Канады).
У Еўропу дуб чырвоны завезлі ў канцы XVII стагоддзя. На пачатку XX стагоддзя від пачалі шырока вырошчваць у гадавальніках і на прысядзібных участках на тэрыторыі Беларусі, у другой палове — актыўна ствараць лясныя культуры.
Сёння, як адзначаў навуковец, гэты від расце па ўсёй краіне, найбольш шырока — у Брэсцкай вобласці. “Дуб чырвоны, як выйшаў за межы пасадак, пачаў актыўна асвойваць натуральныя насаджэнні. Шмат яго і непасрэдна ў зялёнай зоне Мінска”, — пісаў Чумакоў.
“Масавы распаўсюд гэтага віду ў лясах Беларусі можа негатыўна адбіцца на біялагічнай разнастайнасці, паколькі ён, ствараючы гушчары ў лясных масівах, з часам можа выціснуць як многія пароды дрэў, так і падполагавую травяністую расліннасць”, — папярэджваў ён.
- ЭканомікаУ 2024 годзе цэнавыя парушэнні знайшлі ў 331 суб'екта, найбольшы штраф атрымаў аператар А1 — даныя МАРГМатэрыял даступны толькі падпісчыкам ПОЗІРК+
- Грамадства, Палітыка
- Грамадства, Палітыка
- Грамадства, Палітыка
- Грамадства
- Грамадства18 красавіка на ўсіх метэастанцыях Беларусі абноўленыя рэкорды цяпла, у тым ліку два месячныя максімумы (падрабязна)Матэрыял даступны толькі падпісчыкам ПОЗІРК+
- Палітыка, Эканоміка
- Грамадства, ПалітыкаХроніка палітычных рэпрэсій за 18 красавіка 2025 годаМатэрыял даступны толькі падпісчыкам ПОЗІРК+
- ЭканомікаУ першым квартале 2025 года па прамвытворчасці лідзіравала Мінская вобласць, у сельскай гаспадарцы — БрэсцкаяМатэрыял даступны толькі падпісчыкам ПОЗІРК+
- Грамадства
- Грамадства
- Эканоміка
- Палітыка
- Грамадства
- ЭканомікаУ першым квартале 2025 года больш за палову беларускага ВУП забяспечылі Мінск і Мінская вобласцьМатэрыял даступны толькі падпісчыкам ПОЗІРК+
- Грамадства
- Эканоміка
- Эканоміка
- Эканоміка
- Грамадства, Палітыка
- Палітыка
- Палітыка
- Грамадства
- Грамадства17 і 18 красавіка ў Беларусі перакрытыя абсалютныя тэмпературныя рэкорды (падрабязна)Матэрыял даступны толькі падпісчыкам ПОЗІРК+
- Палітыка
- Палітыка, Эканоміка
- Палітыка
- Палітыка
- Палітыка, Эканоміка