Украіна хоча праз суд спагнаць у свой даход актывы “Беларуськалія”
Калійныя ўгнаенні
13 сакавіка, Позірк. Міністэрства юстыцыі Украіны падало ў суд іск аб прымяненні да прадпрыемства “Беларуськалій” абмежавальных мер, прадугледжаных законам “Аб санкцыях”, паведамляе прэс-служба ведамства.
Да спагнання ў даход дзяржавы заяўленыя “актывы, якія належаць падсанкцыйнай асобе, а менавіта: карпаратыўныя правы, сродкі, чыгуначныя вагоны, калійныя ўгнаенні”.
У паведамленні адзначаецца, што “Беларуськалій” з’яўляецца “вядучым дзяржаўным вытворцам калійных угнаенняў у Беларусі і адным з найбуйнейшых падаткаплацельшчыкаў у бюджэт Рэспублікі Беларусь”, якая “цалкам кантралюецца палітычнай верхавінай” у Мінску, “у тым ліку непасрэдна самаабвешчаным прэзідэнтам Аляксандрам Лукашэнкам”.
Заяўляецца, што прадпрыемства сваімі дзеяннямі “спрыяе вядзенню вайны супраць Украіны праз фінансава-гаспадарчыя ўзаемаадносіны з прадпрыемствамі ваенна-прамысловага комплексу Расійскай Федэрацыі і акупацыйнымі адміністрацыямі самаабвешчаных “ДНР” і “ЛНР”.
“Таксама ААТ “Беларуськалій” давала транспарт для перавозкі і памяшканні для знаходжання ўкраінскіх дзяцей, вывезеных з часова акупаваных тэрыторый, на тэрыторыі Рэспублікі Беларусь, і ўдзельнічала ў арганізацыі і фінансаванні мерапрыемстваў, звязаных з падтрыманнем палітыкі дзяржавы-агрэсара па непрызнанні права ўкраінскага народа на самаідэнтыфікацыю”, — падкрэслівае Мінюст.
Раней “Позірк” паведамляў, што Украіна ўжо распрадае арыштаваны беларускі калій.
Аднаўленне экспарту калію з Беларусі было б вялікай памылкай — прэм'ер Літвы
13 сакавіка, Позірк. Змякчэнне санкцый у дачыненні да Беларусі і аднаўленне экспарту калійных угнаенняў "было б вялікай памылкай", заявіў прэм'ер-міністр Літвы Гінтаўтас Палуцкас 13 сакавіка ў праграме "Інтэрв'ю Delfi". Такім чынам ён адрэагаваў на інфармацыю сусветных СМІ пра патэнцыйнае паслабленне ўведзеных ЗША …
