10 сакавіка, Позірк. У Смаргоні (Гродзенская вобласць) 9 сакавіка пад коламі цягніка загінуў юнак, паведамляе прэс-служба Следчага камітэта.
Адзначаецца, што 14-гадовы падлетак знаходзіўся на чыгуначных шляхах, на гукавыя і светлавыя сігналы цягніка не рэагаваў. Машыніст выкарыстаў экстранае тармажэнне, але наезд на хлопчыка ўсё ж здарыўся. Той атрымаў траўмы, несумяшчальныя з жыццём.
На месцы здарэння працавала следча-аператыўная група, падчас агляду “выяўленыя навушнікі”.
Паводле наяўных даных, са студзеня па жнівень 2024 года на чыгунцы пацярпела 62 чалавекі, з іх 42 загінула (у іх ліку адно дзіця).
Няшчасныя выпадкі з непаўналетнімі адбываюцца ў асноўным праз тое, што тыя ігнаруюць правілы бяспекі, спяшаюцца, размаўляюць па тэлефоне ці слухаюць музыку ў навушніках пры пераходзе чыгуначных шляхоў.
