Шарэнда-Панасюк супраць перамоў з Лукашэнкам пра вызваленне палітвязняў

10 лютага, Позірк. Супраць перамоў з рэжымам Аляксандра Лукашэнкі адносна вызвалення палітвязняў выступіла былая палітычная зняволеная Паліна Шарэнда Панасюк на прэс-канферэнцыі 10 лютага ў Вільнюсе.

“Калі я чую пра перамовы з Лукшэнкам, мне робіцца смешна”, — сказала яна.

Паводле яе меркавання, Лукашэнка “несамастойны” і з’яўляецца “расійскай марыянеткай”. Пытанне палітвязняў ён, на думку Шарэнда-Панасюк таксама не вырашае.

Экс-палітзняволеная паведаміла, што разам з беларускімі прапагандыстамі, якія запісвалі з ёй інтэрв’ю ў калоніі, быў “расіянін, які іх курыраваў”.

“Калі не даціснем рэжым санкцыямі, будуць новыя палітвязні”, — упэўненая Шарэнда-Панасюк.

На яе думку, патрэбная “жорсткая эканамічная блакада”. “Беларусь — транзітная краіна. Чаму дагэтуль ідзе гандаль з канцлагерам, ідзе нейкі транзіт?” — запыталася спікер.

(будзе дапоўнена)