МЗС: “Калектыўны Захад” працягвае беспадстаўную крытыку Беларусі
28 студзеня, Позірк. Пра працяг беспадстаўнай крытыкі ў дачыненні да Беларусі з боку “пэўных заходніх краін” з “выкарыстаннем клішаваных ярлыкоў і санкцыйных пагроз” заявіла 28 студзеня Міністэрства замежных спраў, каментуючы сумесную заяву Еўрасаюза і краін, якія далучыліся, аб прэзідэнцкіх выбарах.
У Мінску лічаць, што прыняты дакумент “наўмысна скажае факты, не ўлічвае аб’ектыўныя рэаліі ў Беларусі і свеце”.
Гэтая рыторыка, на думку МЗС, выкарыстоўваецца на фоне “ўласных сістэмных праблем, нарастаючай унутранай раз’яднанасці, дэградацыі пазіцый на міжнароднай арэне т.зв. “калектыўнага Захаду”.
Падобная пазіцыя “не прывядзе ні да чаго, акрамя далейшага пагаршэння адносін” паміж Беларуссю і ЕС, мяркуюць у знешнепалітычным ведамстве.
“Відавочная розніца паміж ацэнкамі назіральнікаў з больш чым 50 краін, уключаючы заходнія, якія наведалі Беларусь, і загадзя падрыхтаванымі штампамі ЕС. Уласна, пад уплывам некаторых падпісантаў БДІПЧ [АБСЕ] і прыняло рашэнне аб няўдзеле ў назіранні за выбарамі ў Беларусі”, — сцвярджаецца ў каментары.
У МЗС лічаць, што працяг і нарошчванне санкцыйнага ціску, “бесперспектыўнасць і контрпрадуктыўнасць якога ўжо даўно не выклікаюць сумневаў”, не паўплывае на “абраны грамадзянамі Беларусі курс”.
Прэзідэнцкія выбары ў Беларусі адбыліся 26 студзеня, іх пераможцам папярэдне абвешчаны Аляксандр Лукашэнка, канчатковыя вынікі будуць падведзены 3 лютага.
Аб непрызнанні “фіктыўных выбараў” у Беларусі ўжо заявілі краіны Еўрасаюза, Вялікабрытанія, Канада, Аўстралія, Новая Зеландыя і Украіна.

- Палітыка, Эканоміка
- Эканоміка
- ЭканомікаВыдаткі на вытворчасць прадукцыі за год павялічыліся ў чатырох рэгіёнах — даныя БелстатаМатэрыял даступны толькі падпісчыкам ПОЗІРК+
- Палітыка
- Грамадства, Палітыка
- Грамадства
- Грамадства, Палітыка
- Эканоміка
- Грамадства, ПалітыкаШтомесячная актыўнасць нелегалаў на мяжы Беларусі і ЕС у 2025 годзе дэманструе экспанентны ростМатэрыял даступны толькі падпісчыкам ПОЗІРК+
- Грамадства
- Грамадства
- АнонсыАнонсы падзей на 9 чэрвеня — 1 ліпеня 2025 годаМатэрыял даступны толькі падпісчыкам ПОЗІРК+
- Палітыка
- Грамадства
- Грамадства
- Грамадства
- Грамадства, Эканоміка
- Грамадства
- Грамадства
- Грамадства, Палітыка, Эканоміка"Белавія" папоўніла парк лайнераў самалётам Airbus A330-200, верагодна, у абыход санкцыйМатэрыял даступны толькі падпісчыкам ПОЗІРК+