На паўгода падоўжана забарона на вываз з Беларусі каля 250 відаў прамтавараў
25 верасня, Позірк. Забарона на вываз за межы Беларусі каля 250 відаў прамысловых тавараў з 23 верасня прадоўжана яшчэ на шэсць месяцаў, вынікае з пастановы Савета міністраў ад 20 верасня № 688.
Да дакумента, апублікаванаму на Нацыянальным прававым інтэрнэт-партале 25 верасня, прыкладзены спіс, у якім пералічаны некаторыя медыцынскія матэрыялы і вырабы, шкляныя ампулы, бутлі, збаны, флаконы і іншыя шкляныя ёмістасці, рэзервуары, цыстэрны і бакі, катлы, турбіны, помпа халадзільнікі, маразільнікі, посудамыйныя машыны, станкі, пагрузчыкі, сельгасмашыны, маніторы, лакаматывы і вагоны, легкавыя аўтамабілі, трактары, шасі і інш.
Дзеянне дакумента не распаўсюджваецца на сертыфікаваныя тавары ці тавары, якія суправаджаюцца актам экспертызы паходжання, які пацвярджае іх беларускае ці расійскае паходжанне.
Нормы пастановы таксама не датычацца прадукцыі, якая перамяшчаецца суб’ектамі РФ транзітам праз тэрыторыю Беларусі, што вывозіцца ў адпаведнасці з дагаворамі Саюзнай дзяржавы.
Дзейнічаюць і іншыя выключэнні. У асобных выпадках тавары можна вывозіць паводле ліцэнзій або прапускоў на вываз спецыфічных тавараў.
Першапачаткова забарона на вываз пэўных прамтавараў была ўведзена ў сакавіку 2022 года для “абароны эканамічных інтарэсаў Беларусі”. З таго часу ён некалькі разоў працягваўся.
