Апублікавана на адкрытай версіі “Позірку” 24 жніўня 2025 года ў 18:00
Жнівень 2025-га — час падсумавання разнастайных вынікаў першай пяцігодкі пасля лёсавызначальных прэзідэнцкіх выбараў-2020.
“Позірк” параўнаў паўтара дзясятка паказчыкаў “тады” і “цяпер” у грамадска-палітычнай і сацыяльна-эканамічнай сферах, грунтуючыся на адкрытых даных і ўласных падліках.
Колькасць палітвязняў вырасла за пяць гадоў у 49 разоў, журналістаў-палітвязняў — у 37. І гэта мінімум, бо нямала нявольнікаў, пра якіх нічога не вядома, у тым ліку па рашэнні сваякоў, якія спадзяюцца на хуткае вызваленне, больш мяккае пакаранне або стаўленне.
Калі вы глядзіце карткі на мабільнай прыладзе, перагортвайце, калі ласка, справа налева
Палітычных партый стала менш у 4 разы, колькасць апазіцыйных — абнулілася. Як і колькасць агульнанацыянальных недзяржаўных грамадска-палітычных друкаваных СМІ.
У міжнародным рэйтынгу свабоды прэсы — мінус 13 пазіцый, у рэйтынгу вяршэнства права — мінус 39 (Лукашэнка: “Часам не да законаў”, 10 верасня 2020 года).
У 78 разоў вырасла колькасць асоб, якія трапілі ў санкцыйныя спісы Еўрасаюза, удвая — колькасць краін-суседзяў, з якімі дарэшты сапсаваныя адносіны. Былі Польшча і Расия (таму частка дэмсіл і звярталася тады да Крамля), а цяпер — з усімі, акрамя Расіі.
Афіцыйная колькасць насельніцтва знізілася на 3,2%. За, на першы погляд, невялікай лічбай стаіць скарачэнне на 300 тыс. Працоўнай сілы стала менш на 2,5% (на 125 тыс. чалавек).
Долар падаражэў на 22,2%, спажывецкія цэны цягам апошніх 60 месяцаў раслі ў 1,3 раза хутчэй, чым цягам 60 месяцаў да выбараў-2020.
